Моніка Селеш (серб. Моніка Селеш, Monika Seleš, венг.: Szeles Mónika, англ. Monica Seles; 2 снежня 1973, Нові-Сад, Югаславія) — знакамітая югаслаўска-амерыканская прафесійная тэнісістка, якая выступала за абедзве гэтыя краіны; былая 1-я ракетка свету.
У 1986 годзе Моніка Селеш пераехала з Югаславіі ў ЗША, і ў 1994 годзе атрымала грамадзянства гэтай краіны. У 2007 годзе Селеш атрымала і грамадзянства Венгрыі, бо яе бацькі з’яўляюцца этнічнымі венграмі. На яе рахунку 9 персанальных перамог у турнірах Вялікага шлема, 4 з якіх адносяцца да Адкрытага чэмпіянату Аўстраліі. У 1990 годзе яна стала самай маладой пераможцай Адкрытага чэмпіянату Францыі. У 1991—1992 гг. першая ракетка свету.