Ме́рчыцкі сельсавет — сельскі савет у Пінскім раёне Брэсцкай вобласці. Цэнтр сельсавета — вёска Мерчыцы (да 1954 года — вёска Масявічы).
Утвораны 12 кастрычніка 1940 года як Масявіцкі сельсавет у складзе Жабчыцкага раёна Пінскай вобласці. З 8 студзеня 1954 года ў складзе Брэсцкай вобласці. З 14 кастрычніка 1957 года ў складзе Лагішынскага раёна. 9 сакавіка 1959 года ў склад сельсавета з Парэцкага сельсавета пералічана вёска Цвярдоўка[1]. З 25 снежня 1962 года ў складзе Пінскага раёна. 16 красавіка 1973 года перайменаваны ў Мерчыцкі сельсавет[2].
Насельніцтва сельсавета паводле перапісу 2009 года — 661 чалавек[3], 97,9 % — беларусы[4].