Мелікерт (імя запазычана ў фінікійскага бога Мелькарта) — у старажытнагрэчаскай міфалогіі [1] сын Іно і цара Архамена Афаманта, брат Леарха. Пасля таго, як Гера наслала на яго маці вар’яцтва і Іно кінулася ў мора разам з сынам [2], Мелікерт быў пераўтвораны ў малодшае марское бажаство Палемона.
Дэльфін перанёс яго на Карынфскі перашыек [3], Сісіф пахаваў яго на Істме [4]. У яго памяць Сісіф заснаваў Істмійскія гульні [5].
Палемон выяўляўся як хлопчык на дэльфіне [6]. Яму прыносілі ў ахвяру дзіцяў [7]. Над магілай у Карынфе знаходзіўся храм Палемона [8]. Палемону прысвечаны LXXV арфічны гімн.