Мелвін Уітфілд (Мелвін Грэстан (Мел) Уітфілд, англ.: Malvin Greston “Mal” Whitfield; 11 кастрычніка 1924, Бей-Сіці, штат Тэхас, ЗША — 19 лістапада 2015, Вашынгтон, ЗША) — амерыканскі лёгкаатлет, спецыялізаваўся на дыстанцыях 400 і 800 метраў. Трохразовы алімпійскі чэмпіён, трохразовы чэмпіён Панамерыканскіх гульняў 1951 года на дыстанцыях 400 метраў, 800 метраў і эстафета 4 × 400 метраў.
У 1943 годзе паступіў на службу ў ваенна-паветраныя сілы арміі ЗША. Быў ваенным лётчыкам, удзельнік Другой сусветнай вайны. Пасля яе заканчэння паступіў ва Універсітэт штата Агая. З пачаткам Карэйскай вайны ён зноў стаў лётчыкам ВПС ЗША. У 1951 годзе ён трэніраваўся па начах на узлётна-пасадачных палосах аэрадромаў.