wd wp Пошук:
    ⬜

    Масавае забойства ў Пермскім дзяржаўным універсітэце

    Масавае забойства ў Пермскім дзяржаўным універсітэце — інцыдэнт, які адбыўся раніцай 20 верасня 2021 года ў восьмым (геалагічным) корпусе Пермскага дзяржаўнага ўніверсітэта (вул. Генкеля, 7). У выніку стральбы, учыненай 18-гадовым студэнтам Цімурам Бекмансуравым, загінулі 6 чалавек і 43 атрымалі раненні. Нападнік быў паранены ў перастрэлцы з супрацоўнікам паліцыі Канстанцінам Калініным і дастаўлены ў бальніцу ў цяжкім стане[3][4][5][6].

    Ход падзей

    Стралок увайшоў ва ўніверсітэт праз бліжэйшы да вакзала ўваход каля 11:20. Трывожныя кнопкі былі націснуты ў 11:31 і ў 11:43[7]. Злачынец зрабіў некалькі стрэлаў па аўтамабілях і людзях, якія знаходзіліся ля ўваходу ва ўніверсітэт, пасля чаго ўвайшоў у будынак[8]. Два ахоўнікі паспрабавалі яго затрымаць, але адзін з іх быў забіты[9]. Далей ён працягнуў стральбу па людзях, вырабячы каля 30 стрэлаў[10].

    Спачатку СК Расіі паведаміў аб 8 забітых, пазней Міністэрства аховы здароўя РФ прадаставіла спіс з 6 забітых[11][12].

    У групе Пермскага ўніверсітэта «Укантакце» ў 11:49 з’явілася паведамленне з рэкамендацыяй для людзей, якія знаходзяцца на тэрыторыі, забарыкадавацца, а якія едуць — разгортвацца[13].

    У 11:46 у навінах напісалі, што стралок спынены супрацоўнікам паліцыі[14]. Прадстаўнік МУС Ірына Воўк паведаміла, што гэта быў малодшы лейтэнант (дарожнай) паліцыі Канстанцін Калінін[15]:

    Малодшы лейтэнант паліцыі Канстанцін Калінін увайшоў у галоўны корпус, а яго калега старшы лейтэнант паліцыі Уладзімір Макараў пачаў арганізоўваць эвакуацыю грамадзян. У памяшканні Канстанцін Калінін убачыў узброенага мужчыну. Заўважыўшы паліцэйскага, той зрабіў у яго бок некалькі стрэлаў. Агнём у адказ дзяржаўтаінспектар параніў зламысніка, падбег да яго і абясшкодзіў, пасля чаго пачаў аказваць першую дапамогу.

    Разам з ім на месцы здарэння апынуўся старшы лейтэнант Уладзімір Макараў[16]. Сам Калінін пракаментаваў сітуацыю наступным чынам[17]:

    Напарнік арганізаваў эвакуацыю людзей, а я пабег да галоўнага ўваходу, спытаў у відавочцаў, дзе стральба. Забегшы ў заднія дзверы на першы паверх, я ўбачыў, як узброены малады чалавек спускаецца па лесвіцы. Я крыкнуў яму «Кідай!», пасля чаго малады чалавек накіраваў зброю на мяне і зрабіў стрэл, пасля чаго і я ўжыў агнястрэльную зброю. Падбегшы да яго, я зупыніў яго рух, прыбраўшы стрэльбу, патроны і нож у бок, пасля чаго пачаў аказваць яму першую медыцынскую дапамогу.

    У 13:02 было дазволена (і рэкамендавана) студэнтам і супрацоўнікам пакінуць кампус пад наглядам спецслужбаў[18].

    Дзеянні ўлад

    Была ўзбуджаная крымінальная справа на стралка паводле часткі 2 артыкула 105 КК РФ («Забойства двух і больш асоб»). Расследаваць здарэнне прызначаны цэнтральны апарат СКР[19].

    У сувязі з інцыдэнтам у ПДНІУ па даручэнні губернатара Пермскага краю 20 верасня адмененыя заняткі ў школах, тэхнікумах і каледжах. Навучанне ў ВНУ на бліжэйшы час перайшло на дыстанцыйны фармат.

    У Міністэрстве адукацыі і навукі Прыкам’я паведамілі, што да 20 верасня адукацыйныя арганізацыі павінны правесці максімальную працу па ўзмацненні мер бяспекі.

    Ва ўстановы забаранілі дапускаць старонніх асоб[20].

    Прэзідэнт РФ Уладзімір Пуцін выказаў спачуванні і накіраваў у Пермскі край міністра навукі і вышэйшай адукацыі Валерыя Фалькова і міністра аховы здароўя Міхаіла Мурашка[21]. Пазней з’явілася інфармацыя, што сем’і загінулых і страчаных пры стральбе атрымаюць грашовыя кампенсацыі[22].

    21 верасня 2021 года было абвешчана Днём жалобы ў Пермскім краі[23].

    Узнагароджанне

    22 верасня Указам Прэзідэнта Расійскай Федэрацыі Канстанцін Калінін быў узнагароджаны Ордэнам Мужнасці. Яго напарнік Уладзімір Макараў — медалём «За адзнаку ў ахове грамадскага парадку». Міністр унутраных спраў Уладзімір Калакольцаў датэрмінова прысвоіў супрацоўнікам чарговыя спецыяльныя званні. Калініну — «лейтэнант паліцыі», а яго напарніку Макараву — «капітан паліцыі»[24][25].

    Нападнік

    Цімур Бекмансураў непасрэдна да здзяйснення ім злачынства заявіў у сацсетцы «Укантакце» (яго акаўнт постфактум быў аператыўна заблакаваны), што здзейсненае ім не з’яўляецца тэрактам, а таксама што ён не знаходзіцца ў экстрэмісцкіх арганізацыях і не рэлігійны, пры гэтым неаднаразова згадваючы пра свае галаўныя болі, якія пастаянна ўзмацняюцца. Таксама ён падрабязна распавёў аб працэдуры атрымання ім зброі[26]. Першапачаткова паведамлялася пра смерць стралка. Аднак пазней СМІ заявілі, што Бекмансураў жывы. У цяжкім стане ён быў дастаўлены ў бальніцу, дзе яму ампутавалі адну нагу[27]. Падчас нападу на ім былі ваенны шлем і маска (меркавана, балаклава). У яго руках знаходзілася пяцізарадная помпавая стрэльба 12 калібра Huglu Atrox Tactic Pump Action Shotgun, патроны да якой Бекмансураў развесіў наўпрост на сабе[28].

    Гл. таксама

    Зноскі

    1. ↑ Раскрыто вооружение напавшего на пермских студентов стрелка.
    2. ↑ Число пострадавших в результате стрельбы в Пермском госуниверситете составляет 43 человека (нявызн.), interfax-russia.ru . Праверана 22 верасня 2021.
    3. ↑ В Пермском госуниверситете произошла стрельба. (нявызн.), ‘lenta.ru’ . Праверана 20.9.2021.
    4. ↑ В результате стрельбы в Пермском университете погибли восемь человек. (нявызн.), ‘kommersant.ru’ . Праверана 20.9.2021.
    5. ↑ Напавший на Пермский госуниверситет оказался жив // Mash: напавший на пермский вуз Бекмансуров подключен к ИВЛ в крайне тяжёлом состоянии.
    6. ↑
    7. ↑ https://vk.com/wall-30210603_2565577
    8. ↑
    9. ↑ В пермском вузе первым был убит охранник: экстренные службы якобы не брали трубку(руск.) , БИЗНЕС Online . Праверана 21 верасня 2021.
    10. ↑ «Пермского стрелка» прооперировали, мать уверяет, что «он вообще был неконфликтный»(руск.) , eadaily.com (20 верасня 2021).
    11. ↑ https://vk.com/wall-30210603_2566976
    12. ↑ https://59.ru/text/incidents/2021/09/20/70145906/
    13. ↑ https://vk.com/wall-40202469_29363
    14. ↑ https://59.ru/text/incidents/2021/09/20/70145906/
    15. ↑ https://vk.com/wall-30210603_2566356
    16. ↑ Сотрудников ДПС, задержавших напавшего на ПГНИУ, представят к наградам
    17. ↑ Я крикнул: “Бросай оружие!”, а он направил на меня ружье". Пермский полицейский остановил напавшего на студентов университета
    18. ↑ https://vk.com/wall-40202469_29427
    19. ↑ «Определился с датой, буду выдвигаться 20 сентября» // Пермский стрелок перед нападением на вуз оставил манифест и описал свою подготовку. Архівавана 20 верасня 2021.
    20. ↑ В Прикамье в связи с трагическими событиями отменяются занятия в школах, техникумах и колледжах (нявызн.), www.permkrai.ru . Праверана 20 верасня 2021. Архівавана 20 верасня 2021.
    21. ↑ https://vk.com/wall-30210603_2567206
    22. ↑
    23. ↑ В Прикамье объявили 21 сентября днём траура по погибшим при стрельбе в вузе(руск.) , Life.ru . Праверана 20 верасня 2021.
    24. ↑ Обезвредивший «пермского стрелка» Константин Калинин награжден орденом Мужества
    25. ↑ Президент подписал Указ «О награждении государственными наградами Российской Федерации»
    26. ↑ Последний пост, приписываемый стрелку
    27. ↑ https://www.rbc.ru/rbcfreenews/6149fe249a79471284fa59b0?from=newsfeed
    28. ↑ Раскрыто вооружение напавшего на пермских студентов стрелка (нявызн.), lenta.ru . Праверана 21 верасня 2021.

    Спасылкі

    Тэмы гэтай старонкі (7):
    Катэгорыя·2021 год у Расіі
    Катэгорыя·Пермскі дзяржаўны ўніверсітэт
    Катэгорыя·Верасень 2021 года
    Катэгорыя·Забойствы, здзейсненыя ў 2021 годзе
    Катэгорыя·Гісторыя Пермі
    Катэгорыя·Масавыя забойствы ў Расіі
    Катэгорыя·Падзеі 20 верасня