Мары Ларансен (фр.: Marie Laurencin; 31 кастрычніка 1883 — 8 чэрвеня 1956) — французская мастачка: жывапісец, малявальшчыца, тэатральны дэкаратар і гравёр.
Маці Мары была швачка Паліна Мелані Ларансен. Мары наведвала заняткі ў ліцэі Ламарціна, затым брала ўрокі жывапісу на фарфоры ў Сеўры і ў Мадлен Лемер. Паступіла ў Акадэмію Эмбер, дзе сустрэлася з Жоржам Бракам. Па парадзе Анры-П’ера Рашэ яна ўдзельнічала ў 1907 годзе ў Салоне незалежных. У тым жа годзе Пікаса пазнаёміў яе з Гіёмам Апалінерам. Іх гарачая сувязь працягвалася да 1912 года. Ён прысвячаў ёй вершы і натхніў яе на карціну «Апалінер і яго сябры» (1912), сярод якіх Пікаса і Гертруда Стайн. Паралельна з жывапісам яна займалася гравюрай у Жана-Эміля Лабурэра.