Марына Мсціславаўна Няёлава (руск.: Мари́на Мстисла́вовна Неёлова; нар. 8 студзеня 1947 года, Ленінград, РСФСР) — савецкая і расійская актрыса; народная артыстка РСФСР (1987), лаўрэат прэміі Ленінскага камсамола (1976), Дзяржаўнай прэміі РСФСР імя братоў Васільевых (1981), Дзяржаўнай прэміі РСФСР імя К. С. Станіслаўскага (1990) і Дзяржаўнай прэміі РФ (2001).
Большая частка творчай біяграфіі актрысы прыйшлася на працу ў Маскоўскім тэатры «Сучаснік» (1974 — цяперашні час). У кінематографе найбольш вядомыя ролі сыграла ў такіх савецкіх карцінах, як «Маналог» (1972), «Восеньскі марафон» (1979), «Фантазіі Фарацьева» (1979) і «Дарагая Алена Сяргееўна» (1988).
У 1994 годзе стала лаўрэатам кінапрэміі «Ніка» ў катэгорыі «Лепшая жаночая роля» за 1993 год (за ролю Наталлі Анатолеўны ў мастацкім фільме «Ты ў мяне адна» (1993)).