Марша́льская мова (саманазва Kajin M̧ajeļ) — мова маршальцаў, афіцыйная мова Маршалавых Астравоў. Адносіцца да ўсходнемікранезійскай малайска-палінезійскай групы аўстранезійскай моўнай сям’і. Агульная колькасць носьбітаў (2013 г.) - каля 71 400 чал.[1]
Падзяляецца на 2 асноўныя (заходні ралік і ўсходні ратак) і 34 больш дробных дыялектаў, на якіх размаўляюць на асобных атолах. На працягу гісторыі існавала некалькі варыянтаў літаратурнай маршальскай мовы. У наш час выкарыстоўваецца версія эбон.
Мова ўтрымоўвае 12 галосных і 26 зычных гукаў. Алфавіт на аснове лацінкі. Характэрна існаванне некалькіх варыянтаў арфаграфіі.
Маршальская мова | Беларуская мова |
---|---|
aet | Так |
jaab | Не |
yokwe | Прывітанне, да пабачэння |
jouj | Калі ласка |
Kommol tata | Дзякуй |
Jolok bwid | Прабачце |
Etam? | Як тваё імя? |
Eta in Mikalaj | Мяне завуць Мікалай |