Марнеулі[3] (груз. მარნეული) — горад у правінцыі Квема Картлі, адміністрацыйны цэнтр Марнеульскага раёна Грузіі. Насельніцтва больш за 22 тыс. чалавек. Знаходзіцца за 30 км на поўдзень ад Тбілісі, недалёка ад межаў з Азербайджанам і Арменіяй на рацэ Алгеці (басейн ракі Куры). Статус горада з 1964 года. Умерана цёплы стэпавы клімат. Умерана халодная зіма і цёплае лета. Сярэднегадавая тэмпература складае 12 °C, студзеня каля 0 °C, ліпеня 23,9 °C. Абсалютны мінімум -25 °C, абсалютны максімум 40 °C. Ападкаў 500 мм у год.