Маргарыта Маратаўна Мекліна (руск.: Маргари́та Мара́товна Ме́клина; 1972, Ленінград) — рускі празаік, эсэіст і журналіст.
Нарадзілася ў 1972 годзе ў Ленінградзе. Вырасла ў Санкт-Пецярбургу, вучылася на філалагічным факультэце Расійскага педагагічнага ўніверсітэта. Мае таксама адукацыю праграміста. З 1994 года пражывае ў Сан-Францыска (ЗША).
Дэбютавала ў літаратуры публікацыямі апавяданняў у моладзевай яўрэйскай газеце «Бадэрэх» (вып. 6, снежань 1993), у альманахах «Вавилон» (1996) і «Митин журнал» (1997), потым былі публікацыі ў часопісах і альманахах «Улов», «Зеркало», «Новый берег», «Новая юность», «Урал», «Воздух», «Русская проза».