У Вікіпедыі ёсць артыкулы пра іншых асоб з прозвішчам Александровіч.
Маргарыта Віктараўна Александровіч (нар. 25 лістапада 1978, Мінск, Беларусь) — салістка Беларускага дзяржаўнага акадэмічнага музычнага тэатра. Народная артыстка Беларусі (2022).
Скончыла Мінскі архітэктурна-будаўнічы тэхнікум. У 1999 годзе скончыла Беларускую дзяржаўную акадэмію музыкі па спецыяльнасці «спеў», потым працягнула навучанне ў магістратуры Беларускай дзяржаўнай акадэміі музыкі і атрымала акадэмічную ступень магістра мастацтваў.
У трупе Беларускага дзяржаўнага акадэмічнага музычнага тэатра з 1999 года, працуе вядучым майстрам сцэны. Творчую дзейнасць у тэатры сумяшчае з педагагічнай працай на кафедры музычна-педагагічнай адукацыі Беларускага дзяржаўнага педагагічнага ўніверсітэта імя Максіма Танка.