«Маракана́» (парт.: Estádio do Maracanã), афіцыйная назва стадыёна «Ма́рыу Фі́лью» (парт.: Estádio Jornalista Mário Filho) — у мінулым найбуйнейшы па велічыні футбольны стадыён у свеце, на дадзены момант — першы па ўмяшчальнасці стадыён Паўднёвай Амерыкі. Размешчаны ў Рыа-дэ-Жанэйра. Яго называюць сапраўдным цудам спартыўнай архітэктуры, а таксама храмам другой бразільскай рэлігіі — футбола. Хатняя арэна клубаў «Фламенгу» і «Флуміненсі», а таксама зборнай Бразіліі ўсіх узростаў. Таксама тут штогод праходзяць фінальныя матчы ў першынстве Лігі Карыёкі.
На чэмпіянаце свету 1950 стадыён прымаў 8 матчаў: 5 першага групавога этапу і 3 матчы фінальнай групы.
Дата | Раўнд | Матч | Лік |
---|---|---|---|
24 чэрвеня 1950 | Група A | Бразілія — Мексіка | 4:0 (1:0) |
25 чэрвеня 1950 | Група B | Англія — Чылі | 2:0 (1:0) |
29 чэрвеня 1950 | Група B | Іспанія — Чылі | 2:0 (2:0) |
1 ліпеня 1950 | Група A | Бразілія — Югаславія | 2:0 (1:0) |
2 ліпеня 1950 | Група B | Іспанія — Англія | 1:0 (0:0) |
9 ліпеня 1950 | Фінальная група | Бразілія — Швецыя | 7:1 (3:0) |
13 ліпеня 1950 | Фінальная група | Бразілія — Іспанія | 6:1 (3:0) |
16 ліпеня 1950 | Фінальная група | Уругвай — Бразілія | 2:1 (0:0) |