Малдоўскі купон (малд.: Cupon moldovenesc) — часовая грашовая адзінка ў Малдове з 1992 па 1993 год.
Першыя купоны былі выпушчаны ў абарот Нацыянальным банкам Малдовы 10 чэрвеня 1992 года. Яны выкарыстоўваліся ў наяўна-грашовым звароце паралельна з рублём у суадносінах 1:1. З моманту ўводзін у зварот расійскага рубля 9 жніўня 1993 года Нацыянальны банк Малдавіі пачаў самастойна катыраваць купон у адносінах да іншых валют. 29 лістапада 1993 пачаўся памен купонаў на малдаўскі лей па курсе 1000:1, які працягваўся да 2 снежня.
Купоны выпускаліся наміналам 50, 200, 1000 і 5000. Манеты не выпускаліся.
На аверсе намаляваны герб Малдовы, эмблема і назва цэнтральнага банка, намінал, год выпуску і папярэджанне пра падробку, на рэверсе — від на Сарокскую крэпасць, намінал і эмблема НБМ. Вадзяны знак у выглядзе геаметрычнага арнаменту з ромбаў і ламаных ліній.
Серыйныя нумары выгляду А.1234 123456.