wd wp Пошук: ⬜

Малайская мова

Мала́йская мо́ва (саманазва: Bahasa Melayu, بهاس ملايو) — аўстранезійская мова, распаўсюджаная ў краінах Паўднёва-Усходняй Азіі, родная мова малайцаў. Мае афіцыйны статус у такіх дзяржавах, як Малайзія, Сінгапур, Бруней, Какосавыя астравы, Інданезія (рэгіянальны). Колькасць носьбітаў — 77 млн чал. (2007 г.).

Гісторыя

Першыя надпісы на старажытнай малайскай мове былі знойдзены на поўдні Суматры і востраве Бангка. Яны адносяцца да канца VII ст. н. э. Першасна продкі малайцаў карысталіся старажытнаіндыйскімі формамі пісьма. У XIV ст. шырока распаўсюдзіўся алфавіт джаві на аснове арабскіх літар. У XVII ст. еўрапейскія місіянеры стварылі малайскі алфавіт румі на аснове лацінкі. Ён амаль выціснуў з ужытку джаві ў XIX — XX стст., калі сучасныя Малайзія і Інданезія апынуліся ў каланіяльнай залежнасці. Малайская мова ўжывалася каланіяльнымі чыноўнікамі і місіянерамі як сродак зносін з рознымі народамі, аказала непасрэдны ўплыў на фарміраванне інданезійскай мовы.

З малайскай мовы ў іншыя мовы трапілі такія словы, як «сага», «кетчуп», «гутаперча».

Алфавіт

Сучасны малайскі алфавіт румі складаецца з 28 літар:

A a, B b, C c, D d, E e, F f, G g, H h, I i, J j, K k, L l, M m, N n, O o, P p, Q q, R r, S s, T t, U u, V v, W w, X x, Y y, Z z.

Кароткі размоўнік

Малайская мова	Беларуская мова
Selamat pagi	Добрай раніцы
Selamat petang	Добры дзень
Selamat malam	Добры вечар
Siapa nama anda?	Як тваё імя?
Nama saya Mikalai	Мяне завуць Мікалай
Saya dari Belarus	Я з Беларусі
Ya	Так
Tidak, tak	Не
Ma’af	Прабачце
Terima kasih	Дзякуй
Sama-sama	Няма за што
Berapa harganya ini?	Колькі гэта каштуе?
Di mana tandas?	Дзе знаходзіцца туалет?
Saya sayang kamu	Я цябе кахаю
Tolong!	Дапамажыце!
Saya Tidak Faham	Я не разумею

Спасылкі