wd wp Пошук: ⬜

Лі Харві Освальд

Лі Харві Освальд (англ.: Lee Harvey Oswald; 18 кастрычніка 1939, Новы Арлеан — 24 лістапада 1963, Далас) — адзіны афіцыйны падазраваны ў забойстве амерыканскага прэзідэнта Джона Кенэдзі.

Згодна з высновамі Камісіі Уорэна (1964), Освальд 22 лістапада 1963 г. за 5,6 секунды здзейсніў тры стрэлы ў машыну прэзідэнта з шостага паверху кніжнага склада ў г. Далас, штат Тэхас (у выніку якіх прэзідэнт Кенэдзі быў забіты, губернатар Тэхаса Канолі цяжка паранены, а адзін з мінакоў — лёгка), а затым забіў мясцовага паліцэйскага. Згодна з высновамі камісіі, ён «дзейнічаў у адзіночку і без савета або дапамогі». 24 лістапада пры перавозцы яго ў іншую турму быў смяротна паранены уладальнікам начнога клуба Джэкам Рубі, гэта пабачыла ўся краіна па тэлебачанні ў прамым эфіры.

У 1959—1962 гадах Лі Харві Освальд жыў у Савецкім Саюзе, у Мінску, працаваў на радыётэхнічным заводзе «Гарызонт».

Пасля звальнення з шэрагаў марскіх пяхотнікаў арміі ЗША, у 1959 годзе ён за свае грошы прыехаў у СССР праз Фінляндыю і папрасіў грамадзянства. Освальду ўручылі толькі часовыя дакументы, і тады, страціўшы надзею ад адмоваў, Лі Харві парэзаў вены. Амерыканца накіравалі ў ціхі і спакойны Мінск, дзе далі працу і бясплатнае жыллё. Тут Освальд ажаніўся з Марынай Прусаковай (1941 года нараджэння), якая працавала ў суседнім цэху на заводзе, якая нарадзіла яму дачку Джун.

Зноскі

↑ http://www.britannica.com/EBchecked/topic/434542/Lee-Harvey-Oswald
↑ LIBRIS — 2012. Праверана 24 жніўня 2018.
↑ (unspecified title) Праверана 4 сакавіка 2021.

Спасылкі

На Вікісховішчы ёсць медыяфайлы па тэме Лі Харві Освальд

Знешнія спасылкі

http://www.scribd.com/doc/22826466/Lee-Harvey-Oswald-a-Modern-Updated-Biography
Быў Лі Харві Освальд сапраўды вінаваты? by Gil Jesus:http://giljesus.com/
Пераканаўчыя доказы: новы погляд на забойства прэзідэнта Кенэдзі Майкл Т. Грыфіт::http://www.kenrahn.com/jfk/the_critics/griffith/Griffithbio.html Архівавана 16 жніўня 2016.