У Вікіпедыі ёсць артыкулы пра іншых асоб з прозвішчам Манакова. Лідзія Аляксееўна Манакова (нар. 8 ліпеня 1942, с. Макарава, Макараўскі раён, Саратаўская вобласць, РСФСР) — беларускі тэатральны рэжысёр, педагог. Дацэнт (1993). Заслужаны дзеяч мастацтваў Рэспублікі Беларусь (1999).
Скончыла ў 1968 годзе Беларускі дзяржаўны тэатральна-мастацкі інстытут па спецыяльнасці «Рэжысура драмы». У 1968—1973 гадах — рэжысёр, у 1987—1990 гадах — галоўны рэжысёр Гомельскага абласнога драматычнага тэатра, у 1973—1987 гадах і з 1990 года — на кафедры майстэрства акцёра тэатральнага факультэта Беларускай дзяржаўнай акадэміі мастацтваў, загадчыца кафедры.
Навуковыя інтарэсы: мастацтвазнаўства; тэатразнаўства; псіхалогія творчасці; тэатральная педагогіка; педагогіка вышэйшай школы.