Лявон Гмырак
У Вікіпедыі ёсць артыкулы пра іншых асоб з прозвішчам Бабровіч.
Лявон Гмырак (сапр. Мечыслаў Бабровіч; 6 (18) красавіка 1891, фальв. Пархвенава, Вілейскі павет, цяпер Докшыцкі раён, Віцебская вобласць — 30 чэрвеня (13 ліпеня) 1915[2]) — беларускі крытык, публіцыст і празаік[1].
Біяграфічныя звесткі
Вучыўся ў 1-й Віленскай гімназіі, якую скончыў у 1908 годзе[1]. Пасля адвучыўся ў прыватнай тэхнічна-прамысловай школе ў Варшаве (1912)[1]. Працаваў у Вільні, фальварках Віленскай губерні. У 1914 прызваны ў армію, загінуў на фронце Першай Сусветнай вайны[1].
Біяграфія вывучана недастаткова, магчыма, што ён з’яўляецца братам дзеяча рэвалюцыйнага руху ў Заходняй Беларусі Я. С. Бабровіча[2].
Творчасць
Друкавацца пачаў з 1913 ў газеце «Наша ніва»[1], з якой супрацоўнічаў і пазней: друкаваў там апавяданні («Васілёва вяселле»), фельетоны, публіцыстычныя і крытычныя артыкулы.
Аўтар апавядання «Васілёва вяселле» (1913), нарыса па гісторыі нацыянальна-культурнага руху «Беларускае нацыянальнае адраджэнне» (1914), артыкулаў па гісторыі беларускай культуры, актуальных праблемах сацыяльна-палітычнага жыцця, артыкула «Тарас Шаўчэнка» (1914) і інш.
Выступаў за культурна-нацыянальную аўтаномію Беларусі ў саюзе з дэмакратычнымі сіламі Расіі, супраць хутарызацыі, падатковай палітыкі царызму і г. д. Як крытык абараняў пазіцыі рэалізму і народнасці(руск.) бел., выступаў супраць дэкадэнцтва(руск.) бел., прызываў пісьменнікаў адгукацца на ўсе важныя з’явы жыцця, абуджаць ў грамадстве гуманныя імкненні, вучыцца ў класікаў сусветнай літаратуры.
Бібліяграфія
- Творы: Проза. Крытыка. Публіцыстыка. Мн., 1992.
Зноскі
- 1 2 3 4 5 6 Гмырак Левон // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 152. — 737 с.
- 1 2 3 Гмырак Лявон(недаступная спасылка)
- ↑ (unspecified title) Праверана 1 студзеня 2022.
Літаратура
- Гарэцкі М. Лявон Гмырак (1891—1915) // Гарэцкі М. Творы. Мн., 1990.
- Александровіч С. Пуцявіны роднага слова. Мн., 1971. С. 217—219.
- Конан У. Гмырак Лявон // БелЭн у 18 т. Т. 5. Мн., 1997. С. 312.
- Гмырак Лявон // Памяць: гісторыка-дакументальная хроніка Докшыцкага раёна / рэдкал.: Г. П. Пашкоў [і інш.]; маст. Э. Э. Жакевіч. — Мн., 2004. — С. 619—622.
- Хілько, В. Любіў свой край пакутны / В. Хілько // Родныя вытокі (Докшыцы). — 2001. — 14 крас. — С. 2.
Спасылкі
На Вікісховішчы ёсць медыяфайлы па тэме Лявон Гмырак- Лявон Гмырак — нашанівец
Памерлі ў 1915 годзе
Вікіпедыя:Запыты на пераклад з рускай
Вікіпедыя:Артыкулы з непрацоўнымі спасылкамі
Публіцысты Расійскай імперыі
Вікіпедыя:Артыкулы з крыніцамі з Вікідадзеных
Нарадзіліся ў Докшыцкім раёне
Беларускамоўныя пісьменнікі
Удзельнікі Першай сусветнай вайны
Літаратурныя крытыкі Беларусі
Нарадзіліся 18 красавіка
Літаратурныя крытыкі паводле алфавіта
Памерлі 13 ліпеня
Пісьменнікі Беларусі
Вікіпедыя:Артыкулы з пераазначэннем значэння з Вікідадзеных
Памерлі ў Каўнасе
Нарадзіліся ў 1891 годзе
Пісьменнікі Расійскай імперыі
Выпускнікі Віленскай гімназіі
Асобы
Літаратуразнаўцы Беларусі
Літаратурныя крытыкі Расійскай імперыі
Нарадзіліся ў Вілейскім павеце
Публіцысты Беларусі
Пісьменнікі паводле алфавіта
Публіцысты паводле алфавіта