Людас Адамаўскас (літ.: Liudas Adomauskas. 8 красавіка 1880, Цяльшэйскі павет, Расійская імперыя — 16 жніўня 1941) — літоўскі дзяржаўны дзеяч, Старшыня Народнага Сойма Літвы ў 1940
Людас Адамаўскас нарадзіўся 8 красавіка 1880 года, у 1903 скончыў духоўную семінарыю ў Каўнасе і стаў святаром. У перыяд Першай сусветнай вайны быў ваенным капеланам.
У 1921 годзе адышоў ад рэлігійнай дзейнасці, уступіў у Камуністычную партыю Літвы і праз год апублікаваў антырэлігійную кнігу «Šventraščio paslaptys», якую рэзка адмоўна ўспрыняла Каталіцкая Царква. У 1922 быў рэдактарам камуністычных газет «Žarija» («Жар») і «Naujoji gadynė» («Новая эра»), у 1923—1926 сядзеў у турме за камуністычную дзейнасць, пасля перавароту 1926 быў прысуджаны да смяротнага пакарання, якое было заменена 15 гадамі пазбаўлення волі, у 1928 амніставаны, а ў 1934 годзе выпушчаны з турмы.
У 1940 годзе стаў дзяржаўны кантралёрам у Народным Урадзе Літвы і быў Старшынёй Народнага Сойма, 21 ліпеня 1940 падпісаў дэкларацыю аб аднаўленні савецкай улады на тэрыторыі Літвы, затым быў членам СНК Літоўскай ССР.
Забіты немцамі 16 жніўня 1941.
Тэмы гэтай старонкі (14):