Луіза Марыя Арлеанская (поўнае імя фр.: Louise Marie Thérèse Charlotte Isabelle d’Orléans; 3 красавіка 1812, Палерма, Сіцылія — 11 кастрычніка 1850, Астэндэ, Бельгія) — французская прынцэса, пасля замужжа каралева-кансорт Бельгіі.
Старэйшая дачка і другое дзіця караля Францыі Луі-Філіпа I і яго жонкі Марыі-Амаліі Неапалітанскай. Па бацьку яна прыходзілася ўнучкай Філіпу Эгалітэ, а па маці — каралю Абедзвюх Сіцылій Фердынанду I.
У дзяцінстве атрымала буржуазную адукацыю дзякуючы намаганням маці і цёткі, Адэлаіды Арлеанскай, з якой была вельмі блізкая. Абат Гіён выкладаў ёй рэлігію, Жуль Мішле — гісторыю, а П’ер-Жазеф Рэдутэ — жывапіс.
На Вікісховішчы ёсць медыяфайлы па тэме Луіза Марыя Арлеанская
Частка ПЕРШАЯ. ЯКІЯ ВАЛАДАРАЦЬ ДЫНАСТЫІ. БЕЛЬГІЯ. ДЫНАСТЫЯ САКСЕН-КОБУРГ-ГОТА