wd wp Пошук:
    ⬜

    Лука Васільевіч Шашкоў

    У Вікіпедыі ёсць артыкулы пра іншых асоб з прозвішчам Шашкоў. Лука Васільевіч Шашкоў (15 кастрычніка 1897, Магілёўскі павет, Магілёўская губерня — 18 чэрвеня 1968) — беларускі педагог.

    Біяграфія

    Нарадзіўся 15 кастрычніка 1897 года ў сялянскай сям’і ў Магілёўскім павеце. Да ліпеня 1916 года працаваў у гаспадарцы бацькі, вучыўся ў школе. У ліпені 1916 года прызваны на вайсковую службу, дзе знаходзіўся да сакавіка 1918 года.

    Улетку 1918 года экстэрнам здаў экзамен на званне настаўніка і затым у Гарадзішчанскай пачатковай школе адпрацаваў год. Наступныя тры гады быў загадчыкам валаснога аддзела народнай адукацыі, пасля — загадчыкам школьнага аддзела народнай адукацыі. З 1 верасня 1922 да 1 верасня 1926 года вучыўся ў Белдзяржуніверсітэце. Па заканчэнні ўніверсітэта на працягу года дырэктарстваваў і выкладаў грамадазнаўства ў Любанскай сямігадовай школе. У 1927 годзе ў сувязі з цяжкай хваробай жонкі прыехаў у Мінск, настаўнікам вопытнай сямігадовай школы Міністэрства асветы БССР працаваў да лістапада 1929 года. Затым да 1930 года ў Міністэрстве асветы з’яўляўся вучоным сакратаром навукова-метадычнага камітэта, пасля паступіў у аспірантуру па педагогіцы.

    У 1933 годзе закончыў аспірантуру і быў прызначаны на працу ў навукова-даследчы інстытут камуністычнага выхавання, па сумяшчальніцтву з’яўляўся выкладчыкам у Мінскім педінстытуце. У кастрычніку 1937 года перайшоў у Белдзяржуніверсітэт.

    У час вайны знаходзіўся ў Горкаўскай вобласці, дзе пэўны час працаваў дацэнтам настаўніцкага інстытута, а пасля яго рэарганізацыі перайшоў на працу ў сярэднюю школу. У сакавіку 1942 года прызваны ў Савецкую Армію, дзе знаходзіўся да сакавіка 1944 года.

    Пасля дэмабілізацыі вярнуўся ў Белдзяржуніверсітэт. З 1946 г. — загадчык кафедры педагогікі і псіхалогіі БДУ. У 1944—1947 гг. — дэкан гістарычнага факультэта[1], з 1948 па 1951 г. — дэкан філалагічнага факультэта БДУ. У Белдзяржуніверсітэце працягваў працаваць да 1961 года.

    Памёр 18 чэрвеня 1968 года. Пахаваны на Усходніх могілках у Мінску[2].

    Прызнанне

    Творы

    Зноскі

    1. ↑ Исторический факультет Белорусского государственного университета. История факультета
    2. ↑ Шашков Лука Васильевич

    Спасылкі

    Тэмы гэтай старонкі (21):
    Памерлі ў 1968 годзе
    Вучоныя паводле алфавіта
    Аўтары падручнікаў
    Вікіпедыя:Артыкулы з непрацоўнымі спасылкамі
    Вікіпедыя:Артыкулы з няпэўнай значнасцю
    Выкладчыкі БДУ
    Вікіпедыя:Артыкулы пра асоб, для якіх не існуюць старонкі віду «І. Іпб. Прозвішча»
    Нарадзіліся 15 кастрычніка
    Дэканы гістарычнага факультэта БДУ
    Нарадзіліся ў 1897 годзе
    Артыкулы пра вучоных без партрэтаў
    Кандыдаты педагагічных навук
    Вікіпедыя:Артыкулы з пераазначэннем значэння з Вікідадзеных
    Дэканы філалагічнага факультэта БДУ
    Асобы
    Артыкулы пра асоб без альма-матар
    Нарадзіліся ў Магілёўскім павеце (Магілёўская губерня)
    Педагогі Беларусі
    Вікіпедыя:Артыкулы пра асоб, для якіх не існуюць старонкі віду «І. Прозвішча»
    Пахаваныя на Усходніх могілках Мінска
    Памерлі 18 чэрвеня