«Лукашэ́нка. Крыміна́льныя матэрыя́лы» (руск.: Лукашенко. Уголовные материалы) — беларускі дакументальны фільм, зняты блогерам Nexta ў 2019 годзе і 21 лістапада 2019 года прызнаны ў Беларусі экстрэмісцкім матэрыялам.[1] Праз суткі пасля публікацыі стужка трапіла ў трэнды беларускай лакалізацыі інтэрнэт-сэрвіса YouTube і станам на 2022 год мае 3,6 мільёна праглядаў.
У дакументальным фільме сабраны крымінальныя матэрыялы на прэзідэнта Аляксандра Лукашэнку паводле меркавання аўтара. Фільм апавядае пра таемныя сцежкі, якія прывялі да ўлады малавядомага дырэктара саўгаса, шматлікія злачынствы, палітычныя забойствы і сакрэтны псіхіятрычны дыягназ. Аўтар дае адказ чаму Беларусь 25 гадоў дратуецца на месцы і пакутуе ад галечы, пакуль усе краіны-суседзі ідуць наперад і развіваюцца.