wd wp Пошук: ⬜

Луганская Народная Рэспубліка

Артыкул пра самаабвешчаную дзяржаву. Пра адміністрацыйную адзінку Украіны гл. Луганская вобласць.

Луганская Народная Рэспубліка (руск.: Луганская Народная Республика, укр.: Луганська Народна Республіка) скарочана ЛНР — гістарычная часткова прызнаная дзяржава ў межах Луганскай вобласці Украіны, з 5 кастрычніка 2022 года ў складзе Расійскай Федэрацыі.

Паводле Канстытуцыі Украіны, тэрыторыя, на якую прэтэндуе ЛНР, з’яўляецца неад’емнай часткай Украіны, часова акупаванай расійскімі ўзброенымі сіламі [2].

Гісторыя

Стварэнне ЛНР абвясцілі прыхільнікі федэралізацыі Украіны ў красавіку 2014 года[3]. Прычынай такога кроку яны назвалі адсутнасць канструктыўнага дыялогу з цэнтральнымі ўладамі Украіны, якія быццам ігнаруюць патрэбы і чаканні рэгіёну.
12 мая 2014 года пасля рэферэндуму аб самавызначэнні Луганскай Народнай Рэспублікі ўлады ЛНР абвясцілі суверэнітэт і выказалі жаданне ўступіць у склад Расіі, а таксама аб’яднацца з Данецкай Народнай Рэспублікай у Наваросію [4].
11 чэрвеня 2014 года Кіраўніцтва ЛНР звярнулася да Расійскай Федэрацыі, а таксама да 14 іншых дзяржаў з просьбай аб прызнанні яе незалежнасці[5].
Пачалася вайна на ўсходзе Украіны.
24 лютага 2022 гола пачалося ўварванне Расіі ва Украіну.
3 ліпеня 2022 года абвешчана пра поўны кантроль ЛНР над тэрыторыяй Луганскай вобласці, але фактычна гэта адбылося, магчыма, толькі на пачатку жніўня 2022 года.

Ацэнкі

Урад Украіны ўспрымае людзей, якія абвясцілі ЛНР, як сепаратыстаў і тэрарыстаў. У маі 2014 года дэпутаты аблсавета Луганскай вобласці заявілі, што варта паважаць волю грамадзян, выказаную на рэферэндуме ЛНР[6], яго старшыня В. Галенка ахарактарызаваў сілавую аперацыю Украіны як «антытэрарыстычную па назве, а па сутнасці тэрарыстычную і скіраваную супраць свайго народа»[7].

Генеральная пракуратура Украіны 17 мая 2014 года абвясціла ЛНР тэрарыстычнай арганізацыяй. Ведамства патлумачыла, што гэтая структура мае ўсе адпаведныя прыкметы: выразную іерархію, каналы фінансавання і паставак зброі. Па фактах дзейнасці кіраўніцтва т. зв. «рэспублік» заведзены крымінальныя справы[8].

У сваю чаргу, кіраўніцтва ЛНР заяўляе, што лічыць цэнтральны ўрад «кіеўскай хунтай», які здзяйсняе злачынствы супраць насельніцтва рэспублікі[9][10].

Палітычны статус

27 чэрвеня 2014 года незалежнасць ЛНР прызнала Паўднёвая Асеція [11][12][13].
21 лютага 2022 года незалежнасць ЛНР прызнала Расія.[14]
25 лютага 2022 года Прэзідэнт Абхазіі падпісаў указ пра прызнанне незалежнасці ЛНР.[15]
29 чэрвеня 2022 года Сірыя прызнала ЛНР.[16]
13 ліпеня 2022 года КНДР прызнала ЛНР.[17]

Насельніцтва

Доля ўкраінскага і рускага насельніцтва тэрыторыі (у межах вобласці па дадзеных перапісу 2001) складае каля 58 % і 39 % адпаведна, доля рускай мовы як роднай — каля 69 %, украінскай — 30 %[18].

Гл. таксама

Данецкая Народная Рэспубліка

Зноскі

Спасылкі

На Вікісховішчы ёсць медыяфайлы па тэме Луганская Народная Рэспубліка
Луганская народная республика. Официальный сайт. Архівавана 3 лістапада 2014. (руск.)
Легионеры «русского мира» // «Новая газета», 13 червня 2015 (руск.)
Збірка останніх новин Антитерористичної операції(АТО)" // «UA.Today», 2016 (руск.)

Тэмы гэтай старонкі (3):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Луганская Народная Рэспубліка
Катэгорыя·Дзяржавы паводле алфавіта