У Вікіпедыі ёсць артыкулы пра іншых асоб з прозвішчам Лерман.
Логан Лерман (англ.: Logan Lerman; нар. 19 студзеня 1992, Беверлі-Хілз) — амерыканскі акцёр, вядомы па сваіх ролях у фільмах «Эфект матылька», «Геймер», «Персі Джэксан і выкрадальнік маланак».
Логан Лерман нарадзіўся 19 студзеня 1992 года ў Беверлі-Хілз, штат Каліфорнія, ЗША, у яўрэйскай сям’і[3]. Маці Лермана, Ліса (народжаная Голдман), працуе яго менеджарам, а бацька, Лары Лерман — бізнесмен[3]. Скончыў школу (англ.: Beverly Hills High School)[4][5].
Логан гаворыць, што пачаў адчуваць цікавасць да акцёрскага мастацтва гадоў з пяці[6], і што ён вырас на фільмах[7]. Большасць яго сваякоў працуюць у сферы медыцыны, таму ў інтэрв’ю жартам заве сябе «паршывай авечкай»[8]. Яму цікава ўсё, што звязана з кінаіндустрыяй. У далейшым Лерман жадае паспрабаваць сябе ва ўсіх іпастасях, звязаных з кінаіндустрыяй[4].
З самага дзяцінства здымаўся ў рэкламе[9], а ў кіно дэбютаваў у 2000 годзе, зняўшыся ў ролі сына героя Мэла Гібсана ў фільме «Патрыёт». У тым жа годзе разам з Гібсанам зняўся ў фільме «Чаго жадаюць жанчыны».
У 2001 годзе сыграў персанажа Адама Гарсіі ў дзяцінстве ў «Моцнай жанчыне», а ў фільме 2004 года «Эфект матылька» іграе персанажа Эштана Кутчэра ў дзяцінстве. У 2003 годзе Логан зняўся ў дзвюх тэлестужкаах, і адна з роляў прыносіць яму перамогу на кінапрэміі «Малады акцёр» у намінацыі Лепшы малады акцёр тэлестужкі[10]. Акцёрская праца ў тэлесерыяле «Джэк і Бобі» таксама прыносіць у 2005 годзе перамогу на кінапрэміі «Малады акцёр»[11]. У 2006 годзе галоўная роля ў фільме «Крык савы» прыносіць яшчэ адну перамогу на кінапрэміі «Малады акцёр», але ўжо ў намінацыі Лепшы малады акцёр кінастужкі[12].
У 2007 годзе здымаецца разам з Джымам Кэры ў фільме Джоэла Шумахера «Фатальны лік 23», а таксама ў «Цягніку на Юму» з такімі акцёрамі, як Расел Кроу, Крысціян Бэйл і Бен Фостэр. У 2009 годзе іграе Джорджа Хэмілтана ў «Мой адзіны», у якім Рэнэ Зелвегер іграла яго маці. У 2010 сыграў Персі Джэксана, сына Пасейдона ў фільме Крыса Каламбуса «Персі Джэксан і выкрадальнік маланак», заснаваным на кнізе Рыка Рыярдана. За гэту ролю быў намінаваны разам з Джэйкам Абелем, які сыграў сына Гермеса, на «MTV Movie Awards» у катэгорыі Лепшая бойка[13].
| Год | Беларуская назва | Арыгінальная назва | Роля | |
|---|---|---|---|---|
| ф | Патрыёт | The Patriot | Уільям Марцін | |
| ф | Чаго жадаюць жанчыны | What Women Want | юны Нік Маршал | |
| ф | Моцная жанчына | Riding in Cars with Boys | Джэйсан у 8 гадоў | |
| ф | Пафарбаваны дом | A Painted House | Люк Чэндлер | |
| ф | Эфект матылька | The Butterfly Effect | Эван у 7 гадоў | |
| 2004—2005 | с | Джэк і Бобі | Jack & Bobby | Бобі МакКалістэр |
| ф | Крык савы | Hoot | Рой Эберхарт | |
| ф | Фатальны лік 23 | The Number 23 | Робін Спароу | |
| ф | Цягнік на Юму | 3:10 to Yuma | Уільям Эванс | |
| ф | Прывітанне, Біл! | Meet Bill | «хлопец» | |
| ф | Мой адзіны | My One and Only | Джордж Дэверо | |
| ф | Геймер | Gamer | Сайман | |
| ф | Персі Джэксан і выкрадальнік маланак | Percy Jackson & the Olympians: The Lightning Thief | Персі Джэксан | |
| ф | Мушкецёры | The Three Musketeers | Д'Артаньян | |
| ф | Цяжкасці жыцця ізгоя | The Perks of Being a Wallflower | Чарлі | |
| ф | Персі Джэксан і Мора пачвар | Percy Jackson & the Olympians: The Sea of Monsters | Персі Джэксан |