wd wp Пошук: ⬜

Леспедэза

Леспедэза (Lespedeza) — род раслін сямейства Бабовыя (Fabaceae).

Назва

Род названы Андрэ Мішо(руск.) бел. ў гонар іспанскага губернатара Вісентэ Мануэля дэ Сеспедэс-і-Веласка [en], які дапамагаў яму і яго сыну пры батанічных даследаваннях ва Фларыдзе [3].

Батанічнае апісанне

Травянистные расліны, паўкусты або лістападныя кусты, часта з паўзучымі або ніцымі парасткамі. Паверхня сцябла часам бывае пакрыта мяккімі пухнатымі валасінкамі. Лісце непарнаперыстае, з супратыўнымі лісточкамі.

Суквецці гронкападобныя, ніцыя. Па меншай меры 2 кветкі размяшчаюцца на трывалай сцяблінцы. На яго канцы таксама знаходзяцца два вельмі маленькіх лісточка. Гермафрадытныя зігаморфныя кветкі змяшчаюць пяцічленныя, з двайным калякветнікам. Пяць чашалісцікаў зрастаюцца, фармуючы званочкавую чашачку. Вяночак з’яўляецца тыповым для матыльковай кветкі. Ветразь ад даўгаватай да зваротнаяйкападобнай формы. Лодачка сагнутая наперад, заканчваецца тупа. Звужаныя да аснавання крылы даўгаватыя, вушкападобныя, зрастаюцца з лодачкай. 9 або 10 тычынак зрастаюцца.

Плод — аднанасенны боб, які не ўскрываецца.

Распаўсюджанне

Віды роду распаўсюджаныя ва Усходняй і Паўднёва-Усходняй Азіі, ад Гімалаяў, Японіі і Кітая да Аўстраліі, а таксама ў Паўночнай Амерыцы, дзе растуць у трапічных і ўмераных рэгіёнах.

Гаспадарчае значэнне і прымяненне

Некаторыя віды вырошчваюцца як дэкаратыўныя садовыя расліны і/або як кармавыя культуры, асабліва на поўдні ЗША. Акрамя таго, іх выкарыстоўваюць для ўзбагачэння глебы і папярэджання яе эрозіі, паколькі іх карані, як і ва ўсіх бабовых, ўступаюць у сімбіёз з бактэрыямі, фіксуюць атмасферны азот і пераводзяць яго ў даступную для засваення раслінамі форму, такім чынам, павялічваючы ўрадлівасць глебы. У некаторых месцах прадстаўнікі леспедэзы з’яўляюцца інвазіўнымі відамі.

Асаблівасці хімічнага складу

Леспедэза двухколерная (Lespedeza bicolor) змяшчае ў сваіх каранях і лісці буфатэнін, I-метоксі-N,N-дыметылтрыптамін (леспедамін), таксама як і роднасныя Nω,Nω-дыметылтрыламіны і іх аксіды [4].

Ахова

Два віды — Lespedeza cyrtobotrya і Lespedeza tomentosa — занесеныя ў Чырвоную кнігу Расійскай Федэрацыі[5].

Віды

Па інфармацыі базы дадзеных The Plant List, род уключае 58 відаў[6]:

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ Васильев, 1948, с. 376—383
↑ Morimoto & Oshio (1965), Morimoto & Matsumoto (1966)
↑ Красная книга Российской Федерации (растения и грибы) / Сост. Р. В. Камелин и др. — М.: Т-во науч. изданий КМК, 2008. — С. 286—287. — 855 с. — 1 000 экз. — ISBN 958-5-87317-476-8.
↑ Lespedeza (англ.) . The Plant List. Version 1.1. (11 кастрычніка 2013). Праверана 21 снежня 2016.

Спасылкі

Леспедеца: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.) (Праверана 7 жніўня 2012)