У гэтага паняцця ёсць і іншыя значэнні, гл. Лемінгі (значэнні).
Лемінгі[1] — млекакормячыя жывёлы, адносяцца да атрада грызуноў падсямейства палёўкавых (Arvicolinae) сямейства хамяковых (Cricetidae). На Беларусі вядомы з геалагічных адкладаў плейстацэну.
Ва ўсіх лемінгаў шчыльны целасклад, куртатыя ногі і хвост, маленькія, схаваныя ў поўсці вушы. Даўжыня цела 10-15 см, хваста — да 2 см, маса — 20-70 г. Афарбоўка аднакаляровая, шаравата-бурая або пярэстая. У некаторых лемінгаў зімой поўсць моцна святлее або бялее, а кіпцюры на пярэдніх лапках разрастаюцца, набываючы форму капыталастаў.