У Вікіпедыі ёсць артыкулы пра іншых асоб з прозвішчам Гітлін. Леанід Міхайлавіч Гітлін (22 лютага 1948, г. Лепель, Віцебская вобласць) — беларускі архітэктар.
Скончыў Беларускі політэхнічны інстытут у 1973 годзе. З 1973 года — архітэктар, старэйшы архітэктар, кіраўнік групы архітэктараў, галоўны архітэктар праектаў у БелНДІПгорадабудаўніцтва.
Член Саюза архітэктараў СССР з 1977 года. Пражывае ў Мінску.
Асноўныя працы: генпланы Новалукомля (1975), Асіповічаў (1977), ПДП жылога раёна ў паўночнага прамвузла (1979), праекты забудовы вул. Горкага—Ульянаўскай (1980), мікрараёнаў № 4 (1981), 7 (1982) і 6 (1984) у Бабруйску.