Ла-Шо-дэ-Фон[2] (фр.: La Chaux-de-Fonds) — горад і абшчына ў Швейцарыі, які разам з Білем з’яўляецца найбуйнейшым вытворцам швейцарскіх гадзіннікаў. Разам з суседнім Ле-Локлем уваходзіць у лік помнікаў Сусветнай спадчыны як выдатны прыклад «горада-фабрыкі» эпохі прамысловай рэвалюцыі. Размешчаны ў заходняй Швейцарыі, на паўночным захадзе кантона Нёўшатэль, непадалёк ад мяжы з Францыяй і з’яўляецца цэнтрам аднайменнай акругі. Ла-Шо-дэ-Фон — трэці па велічыні горад Рамандыі (пасля Жэневы і Лазаны) і самы буйны горад Верхняй Юры. Горад ляжыць на вышыні 992 метра над узроўнем мора.