У Вікіпедыі ёсць артыкулы пра іншых людзей з імем Ласла.
Ла́сла III (венг.: III. László; 1199 — 7 мая 1205, Вена) — кароль Венгрыі і Харватыі з 26 жніўня па 30 лістапада 1204 кіраваў сумесна з бацькам, з 30 лістапада 1204 — аднаасобна. З дынастыі Арпадаў.
Ласла III — адзіны сын караля Венгрыі Імрэ і Канстанцыі Арагонскай. 26 жніўня 1204 года Ласла быў каранаваны пры жыцці бацькі, які жадаў гэтым забяспечыць правы сына на прастол. Дзядзька Ласла Андраш, які неаднаразова канфліктаваў з Імрэ, пакляўся абараняць малалетняга караля і быў прызначаны рэгентам. Пасля смерці Імрэ (30 лістапада 1204 года) Ласла III быў абвешчаны каралём Венгрыі і Харватыі. Андраш, стаўшы рэгентам, трымаў Ласла і яго маці Канстанцыю пад хатнім арыштам. Асцерагаючыся за сваё жыццё, Канстанцыя разам з сынам бегла ў Вену пад абарону Леапольда VI. 7 мая 1205 года Ласла III памёр у Вене. Атрымаўшы ў спадчыну венгерскі трон, Андраш II выпатрабаваў у Леапольда VI цела пляменніка і пахаваў яго ў Секешфехервары.
| Папярэднік: Імрэ |
Кароль Венгрыі 1204—1205 |
Пераемнік: Андраш II |