У гэтага паняцця ёсць і іншыя значэнні, гл. Верамейчык. Ларыса Антонаўна Верамейчык (нар. 12 чэрвеня 1951, г. Ашмяны, Гродзенская вобласць) — беларускі вучоны-аграхімік, доктар сельскагаспадарчых навук (2009), прафесар (2009).
У 1973 годзе скончыла факультэт аграхіміі і глебазнаўства Беларускай дзяржаўнай сельскагаспадарчай акадэміі.
Працавала інжынерам-глебазнаўцам у Беларускім лесаўпарадкавальным прадпрыемстве (1973—1981), у БелНДІ глебазнаўства і аграхіміі (1984—1986), у Беларускім дзяржаўным аграрным тэхнічным універсітэце (1986—2010). З 2010 года — прафесар кафедры эканомікі прадпрыемстваў Акадэміі кіравання пры Прэзідэнце Рэспублікі Беларусь.
Вобласць навуковых інтарэсаў: аграхімія; глебазнаўства; экалогія; удасканаленне механізму развіцця прадпрыемстваў цяплічнага агародніцтва ва ўмовах інавацыйнай эканомікі.