Ла́клан[1] (англ.: Lachlan River) — рака ў паўднёва-ўсходняй частцы Аўстраліі, у штаце Новы Паўднёвы Уэльс, правы прыток ракі Марамбіджы (басейн ракі Мурэй).
Даўжыня ракі каля 1500[2][3] км (1339[4] км). Плошча вадазбору каля 85 000[3] (84 690[2]) км². Сярэдні расход вады 42[3] м³/с. Рака бярэ пачатак на заходніх схілах Вялікага Водападзельнага хрыбта, за 13[2] км ад горада Ганінг. Ніжняе цячэнне па раўніннай мясцовасці Упадае ў раку Марамбіджы за 210 км ад яе вусця[2].
Рака перасыхае ў засушлівы перыяд. Сцёк зарэгуляваны сістэмай вадасховішчаў. Суднаходная ў ніжнім цячэнні ў перыяд летніх дажджоў.
Упершыню даследаваная ў 1815 годзе Д. Эвансам (Sir (George) De Lacy Evans) і названая ў гонар пятага губернатара Новага Паўднёвага Уэльса Лаклана Макуоры (Lachlan Macquarie).