Крыштаф Завіша (каля 1600 — 23 студзеня 1670) — дзяржаўны дзеяч Вялікага Княства Літоўскага. Вялікі лоўчы літоўскі (1629—1637), вялікі пісар літоўскі (1637—1649), надворны (1649—1654) і вялікі маршалак літоўскі (1654—1669), кашталян віленскі з 1669; староста менскі ў 1631—1645 і браслаўскі ў 1645.
У 1642 быў маршалкам сойму Рэчы Паспалітай.
Са шляхецкага роду Завішаў герба «Лебедзь», сын Андрэя, падскарбія літоўскага.
Быў жанаты з Кацярынай Тышкевіч, дачкой менскага ваяводы Пятра. Меў сыноў Андрэя Казіміра (перадаў яму Менскае староства) і Яна Юрыя (перадаў яму Браслаўскае староства), а таксама дачку Ганну Канстанцыю, жонку Фелікса Яна Паца.