Краснавішарск (руск.: Красновишерск) — горад (з 1942 года) у Расіі, адміністрацыйны цэнтр Краснавішарскага раёна Пермскага краю. Насельніцтва 17,4 тыс. чалавек (2008). Заснаваны ў 1894 годзе.
Горад размешчаны ў крайняй заходняй частцы раёна, на левым беразе ракі Вішэры, за 524 км ад Пермі. Краснавішарск, самы паўночны горад вобласці, вырас на месцы пасёлка Віжіха, дзе ў 1894—1897 гадах руска-французскім АТ быў пабудаваны металургічны завод.
Да галін вытворчай спецыялізацыі горада адносяцца прадпрыемствы лясной, цэлюлозна-папяровай і дрэваапрацоўчай прамысловасці, каляровай металургіі.