Краслаўскі раён (лат.: Krāslavas rajons) — былы адміністрацыйны раён на поўдні Латвіі ў вобласці Латгале. Межаваў з Даўгаўпілскім, Прэйльскім, Рэзэкненскім і Лудзенскім раёнамі Латвіі, а таксама з Віцебскай вобласцю Беларусі.
Пасля заканчэння адміністрацыйна-тэрытарыяльнай рэформы Латвіі 1 ліпеня 2009 года большая частка раёна была падзелена на Краслаўскі і Дагдскі краі. Астатнія тры воласці Краслаўскага раёна былі аб’яднаны з Агланскай воласцю Прэйльскага раёна, утварыўшы Агланскі край.