Кот Фелікс (англ.: Felix the Cat) — антрапаморфны кот, герой мультфільмаў, з’явіўся ў эпоху нямога кіно. Чорнае цела, вялікія белыя вочы, шырокая ўсмешка і сюррэалізм сітуацый, у якія ён патрапляў за сюжэтам, зрабілі Фелікса адным з найбольш вядомых персанажаў у гісторыі мультыплікацыі[4]. Кот Фелікс стаў першым анімацыйным персанажам, што дасягнуў папулярнасці, якая здольная прыцягнуць гледачоў звычайных фільмаў[5][6].