«Клёндайк» — рускамоўны поп-рок гурт з Мінска, утвораны ўвосень 2003 года пад кіраўніцтвам франтвумен Каці Пытлевай і клавішніка «Neuro Dubel» Максіма Івашына[1]. Па выніках 2005 года быў прызнан найлепшым сярод маладых калектываў паводле апытання «Музыкальной газеты»[2].
Удзельнік фестываляў «Открытое небо» (Мінск, 2005), «ВотСтог» (Наваполацк, 2005), «Танцы на палянцы» (Мінск, 2005), «Рок за Бобров» (Бабруйск, 2005)[3].
У 2007 годе гурт выдаў дэбютны альбом «Разное время», прэзентацыя якога прайшла 1 чэрвеня ў МІнску[4].
Першапачаткова ўдзельнікі гурта гралі ў гурце «Клевер», і з яго сышла вакалістка Аліса Зелянкевіч[5]. На яе месца была запрошана Каця Пытлева з гурта «Персона», а гурт стаў звацца «Клёндайк»[1].
«Музыканты парадавалі сваімі аддачай і паводзінамі на сцэне», — галоўны рэдактар сайта «tvordom.com» Янка Бусел адзначыў па выніках нумару «Клёндайк» у рамках вечарыны брытанскага року ў сакавіку 2005 года[6].
|