Клятня (руск.: Клетня́; да 1935 года афіцыйная назва Людзінка) — пасёлак гарадскога тыпу, адміністрацыйны цэнтр Клятнянскага раёна Бранскай вобласці Расіі. Насельніцтва — 12 458 чал. (2018). Размешчаны на рацэ Надва (басейн Дняпра), за 99 км на захад ад Бранска. Канцавая станцыя чыгуначнай лініі (43 км) ад Жукаўкі (на лініі Бранск — Смаленск). Заснаваны ў 1880 годзе ў сувязі з пачаткам лесараспрацовак; першапачаткова насіў назву Людзінка. З 1918 года — валасны цэнтр Бранскага павета, з 1929 года — райцэнтр. З 1935 года — пасёлак гарадскога тыпу.