У Вікіпедыі ёсць артыкулы пра іншых асоб з прозвішчам Шэнан.
Клод Элвуд Шэнан (англ.: Claude Elwood Shannon; 30 красавіка 1916, Петоцкі, Мічыган, ЗША — 24 лютага 2001, Медфард, Масачусетс, ЗША) — амерыканскі інжынер і матэматык, яго працы з’яўляюцца сінтэзам матэматычных ідэй з канкрэтным аналізам надзвычай складаных праблем іх тэхнічнай рэалізацыі. З’яўляецца заснавальнікам тэорыі інфармацыі, якая знайшла прымяненне ў сучасных высокатэхналагічных сістэмах сувязі. Шэнан унёс вялікі ўклад у тэорыю імавернасных схем, тэорыю аўтаматаў і тэорыю сістэм кіравання — галіне навук, якія ўваходзяць у паняцце «кібернетыка». У 1948 годзе прапанаваў выкарыстоўваць слова «біт» для абазначэння найменшай адзінкі інфармацыі.