Клод Валуа, ці Клод Французская (фр.: Claude Valois; 12 лістапада 1547, Фантэнбло — 21 лютага 1575, Нансі) — другая дачка Генрыха II і Кацярыны Медычы.
Клод выхоўвалася разам з Елізаветай Французскай і Марыяй Сцюарт. У 11-летнім узросце была выдадзена замуж за Карла III, герцага Латарынгскага. Гэта сціплая, кульгавая, гарбатая прынцэса была любімай дачкой Кацярыны Медычы. Яна часта пакідала Нансі, сталіцу Латарынгіі, каб пажыць побач са сваёй маці пры французскім двары.
Выйшла замуж у 11 гадоў, а ў 27 гадоў Клод памерла пры родах. У яе было дзевяць дзяцей.