Ке́ржанец (руск.: Ке́рженец)[2] — рака ў Ніжагародскай вобласці Расіі, левы прыток ракі Волга.
Даўжыня ракі 290 км. Плошча вадазбору 6140 км². Сярэдні расход вады за 126 км да вусця (каля сяла Хахалы)[1] складае 19,4 м³/с. Выток ракі знаходзіцца на поўначы Кавернінскага раёна Ніжагародскай вобласці. Большая частка вадазбору на Волжска-Вятлужскай нізіне[2]. Упадае ў Чэбаксарскае вадасховішча каля пасёлка Макар’ева. Жыўленне ракі мяшанае, пераважае снегавое. Шырыня рэчышча ад 15—20 м (у верхнім цячэнні) да 40 м (у ніжнім цячэнні)[1]. У сярэднім цячэнні рака працякае па тэрыторыі Кержанскага запаведніка.
Сярод прытокаў Кержанца: Клятна, Іргень, Белбаж, Крынка, Азёрная, Чарнушка, Ухтыш, Пугай, Ялокша, Ламна, Арыя і інш.