Кельвін Рычард Кляйн (англ.: Calvin Richard Klein; нар. 19 лістапада 1942, Бронкс, Нью-Ёрк, ЗША) — амерыканскі дызайнер адзення.
Нарадзіўся ў яўрэйскай сям’і прадпрымальніка сярэдняга дастатку. У 18 гадоў скончыў Вышэйшую школу мастацтва, пасля яшчэ два гады вучыўся ў Тэхналагічным інстытуце моды Нью-Ёрка. З 1962 па 1968 гады працаваў у розных модных дамах Нью-Ёрка, час ад часу падзарабляў вулічным мастаком. У 1968 годзе заснаваў уласную кампанію Calvin Klein Inc.