Кацукава Сюнсё (1726 — 19 студзеня 1793) — японскі мастак XVIII стагоддзя, майстар укіё-э. Мастацкія псеўданімы: Кёкурасэй, Юдзі, Рырын, Ракуракуан, Дзюгасэй.
Сюнсё быў нашчадкам самураяў. Жыў і працаваў у Эда (сучасны Токіа). Заснавальнік рэалістычнай школы Кацукава. Пісаў партрэты акцёраў тэатра кабукі, куртызанак, барцоў сумо, воінаў і інш. Адным з яго вучняў быў Кацусіка Хокусай.