Каспар Нетшэр (нідэрл.: Caspar Netscher; 1639, Гайдэльберг або Прага — 15 студзеня 1684, Гаага) — галандскі жывапісец залатога веку галандскага жывапісу; вядомы сваімі партрэтамі. Сын скульптара Іагана Нэтшэра. Вырас у Арнеме і вучыўся ў Хендрыка Костэра. У 1658 ці не пазней за пачатак 1659 г. Нетшэр пераехаў у Гаагу. Там ён працаваў на мясцовых гандляроў мастацтвам, якім ён першапачаткова ў асноўным пастаўляў копіі карцін свайго настаўніка, але таксама і іншых паважаных мастакоў.