Кары́нфскі кана́л — суднаходны бязшлюзавы канал у Грэцыі, які злучае Эгейскае і Іанічнае моры праз Карынфскі перашыек. Пракапаны ў 1881—1893 гг.
Даўжыня 6,3 км, глыбіня 8 м, шырыня 24,5 м. Даступны для руху суднаў вадазмяшчэннем да 5 тыс. т. Рух у Карынфскім канале па чарзе аднабаковы. Перасякаецца аўтамабільнай і чыгуначнай дарогамі.[1]
Канал больш чым на 200 км скарачае шлях ад заходняга ўзбярэжжа Грэцыі да ўсходняга[2].