Капцё́ўскі сельсавет — адміністрацыйна-тэрытарыяльная адзінка ў складзе Гродзенскага раёна Гродзенскай вобласці. Цэнтр — аграгарадок (да 2009 г. вёска) Капцёўка.
Утвораны 12 кастрычніка 1940 года ў складзе Гродзенскага раёна Беластоцкай вобласці БССР. З 20 верасня 1944 года ў складзе Гродзенскай вобласці. 16 ліпеня 1954 года да сельсавета далучана тэрыторыя скасаванага Жукевіцкага сельсавета[1]. 28 ліпеня 1967 года да сельсавета далучана частка скасаванага Баранаўскага сельсавета. 11 лютага 1972 года ў склад Квасоўскага сельсавета перададзены вёскі Віцькі і Гарны[2]. 22 снежня 1975 года ў склад сельсавета з Каробчыцкага сельсавета перададзены вёскі Лейгаболі і Новікі[3]. 16 сакавіка 1987 года ў склад Квасоўскага сельсавета перададзены 9 населеных пунктаў: Баранава, Грыўкі, Дайлідкі, Зарубічы, Кругляны, Навасёлкі, Новікі, Путна, Саломенка[4]. 21 жніўня 1989 года да сельсавета далучана частка скасаванага Каробчыцкага сельсавета. 24 красавіка 2008 года ў склад горада Гродна перададзены вёскі Вішнявец, Малахавічы, Скамарошкі, Солы, пасёлкі Фабрычны і Паўднёвы[5]. 28 верасня 2010 года на тэрыторыі сельсавета ўтвораны хутар Скамарошкі[6].
Насельніцтва сельсавета паводле перапісу 2009 года — 3011 чалавек[7], з іх 48,0 % — беларусы, 39,7 % — палякі, 8,9 % — рускія[8].