Капліца-пахавальня Ягмінаў — колішняя капліца на могілках в. Вістычы Брэсцкага раёна.
Была пабудавана ў пачатку XIX стагоддзі з цэглы П. Ягмінам (1747—1808) як фамільная пахавальня ўладальнікаў маёнтка[1][2].
Твор архітэктуры класіцызму. Была вырашана цэнтрычным 8-гранным аб’ёмам пад пакатым шатровым пакрыццём. Вуглы граней крапаваліся пілястрамі, апяразваліся высокім антаблементам з карнізам на дэнтыкулах. Шырокія грані ў верхняй частцы прарэзваліся паўкруглымі вокнамі-люкарнамі, на ліцавой грані — над прамавугольным уваходным праёмам[2].