Кандала́кша (руск.: Кандалакша) — горад у Расіі, адміністрацыйны цэнтр Кандалакшскага раёна Мурманскай вобласці. Насельніцтва 39,2 тыс. чалавек (2005). Чыгуначная станцыя.
Горад размешчаны на ўзбярэжжы Кандалакшскага заліва Белага мора, у вусці ракі Ніва, за 200 км на поўдзень ад Мурманска, акружаны тэрыторыяй Зашэйкаўскага лясніцтва. Бліжэйшыя населеныя пункты: Белае мора (10 км), Лувеньга (14 км) і Ніўскі (16 км). У склад горада ўваходзяць аддаленыя раёны Ніва-3, Лупчэ-Савіна і Лесазавод № 6. У ваколіцах Кандалакшы — Кандалакшскі запаведнік (месца аховы гнездавых калоній марскіх птушак астравоў Белага і Баранцавага мора).
Указам Прэзідыума Вярхоўнага Савета СССР ад 17 кастрычніка 1984 за мужнасць і стойкасць, праяўленыя працоўнымі ў гады Вялікай Айчыннай вайны, поспехі і дасягненні ў гаспадарчым і культурным будаўніцтве горад узнагароджаны ордэнам Вялікай Айчыннай вайны I ступені[1].