wd wp Пошук: ⬜

Каменяломнікавыя

Каменяломнікавыя[3] (Saxifragaceae) — сямейства кветкавых раслін.

Апісанне

Шматгадовыя, радзей, аднагадовыя травы, хмызнякі і паўхмызнякі з цэльнымі чарговымі і процілеглымі лістамі, без прылісткаў. Кветкі пазушныя, энтамафільныя, правільныя, рэдка злёгку няправільныя. Калякветнік двайны (рэдка пялёсткі рэдукаваныя), чашалісцікаў і пялёсткаў па 5-10, рэдка па 4 ці 3. Тычынак таксама 5-10, вельмі рэдка 3. Адна з характэрных асаблівасцей — прысутнасць гіпантыя, які прырастае да асновы гінецэя. Гінецэй ад амаль апакарпнага да сінкарпнага ці паракарпнага, з 2-5 пладалісцікаў, завязь — у залежнасці ад зрастання гіпантыя з гінецэем — верхняя (амаль свабодная), паўніжняя ці ніжняя. Стылодыі свабодныя ці зрослыя ў слупок. Семязачаткі шматлікія, звычайна красінуцэлятныя, з двайным ці простым інтэгументам. Плод у большасці выпадкаў каробачка ці несапраўдная ягада.

Пашырэнне

Сямейства ўключае каля 30 родаў і 600 відаў. Распаўсюджаны галоўным чынам ва ўмераных абласцях паўночнага паўшар’я з нямногімі відамі ва ўмераных абласцях паўднёвага паўшар’я і ў гарах тропікаў. У Беларусі прадстаўлена 2 родамі і 4 відамі.

Роды

Mukdenia rossii

• Abrophyllum Hook.f. ex Benth.
• Astilbe Buch.-Ham. ex D.Don
• Astilboides Engl.
• Bensoniella C.V.Morton
• Bergenia L. — Бадан. Адзін з найбольш вядомых відаў — Bergenia cordata.
• Bolandra A.Gray
• Boykinia Nutt.
• Chrysosplenium L.
• Conimitella Rydb.
• Darmera Voss. Манатыпны род з адзіным відам Darmera peltata
• Elmera Rydb.
• Hemieva Raf.
• Heuchera L.
• ×Heucherella
• Jepsonia Small
• Leptarrhena R.Br.
• Lithophragma (Nutt.) Torr. & A.Gray
• Micranthes Haw.
• Mitella L.
• Mukdenia Koidz.
• Oresitrophe Bunge
• Peltiphyllum (Engl.) Engl.
• Rodgersia A.Gray
• Saxifraga L. — Каменяломнік. Некаторыя вядомыя віды: Saxifraga bryoides, Saxifraga umbrosa, Saxifraga stellaris, Saxifraga oppositifolia, Saxifraga paniculata
• Saxifragella
• Saxifragodes D.M.Moore
• Saxifragopsis Small
• Suksdorfia A.Gray
• Sullivantia Torr. & A.Gray ex A.Gray
• Tanakaea Franch. & Sav.
• Telesonix Raf.
• Tellima R.Br.
• Tiarella L.
• Tolmiea Torr. & A.Gray

Зноскі

1. ↑ Ужываецца таксама назва Пакрытанасенныя.
2. ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. ↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 147. — 160 с. — 2 350 экз.

Літаратура

• Сапегін Л. М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях. — Гомель: ГДУ, 2012. — 337 с. ISBN 978-985-439-644-6

Тэмы гэтай старонкі (5):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Каменяломнікавыя
Катэгорыя·Сямействы раслін
Катэгорыя·Расліны паводле алфавіта
Катэгорыя·Артыкулы з перасягнутай глыбінёй разгортвання