Каменск-Уральскі (руск.: Каменск-Уральский) — горад (з 1935) у Свярдлоўскай вобласці Расіі. Насельніцтва 182,5 тыс. чал. (2005). Заснаваны ў 1701 годзе.
Горад размешчаны на зліцці рэк Каменка і Ісець, за 100 км на паўднёвы ўсход ад Екацярынбурга. Каляровая і чорная металургія, машынабудаванне і інш.
Клімат тэрыторыі ўмерана кантынентальны. Зімой пераважна адбіваецца ўплыў сібірскага антыцыклону, які абумоўлівае ўстойлівае марознае надвор’е. Назіраюцца частыя ўварванні халодных паветраных мас з поўначы і цёплых з поўдня, з якімі звязаны змены надвор’я. Улетку халоднае надвор’е нярэдка прыносяць паветраныя масы з Баранцава і Карскага мораў.
Шматгадовая сярэднегадавая тэмпература 2,6 °C, сярэдняя тэмпература самага спякотнага месяца (ліпень) 23,9 °C і самога халоднага месяца (студзеня) −16,2 °C. Пераважныя вятры паўночна-заходнія, заходнія і паўднёва-заходнія.
Раён адносіцца да зоны дастатковага ўвільгатнення, сярэднегадавая колькасць ападкаў складае 467 мм. Большая частка ападкаў выпадае ў цёплы перыяд года (350 мм).