Кальчу́нскі сельсавет — адміністрацыйна-тэрытарыяльная адзінка ў складзе Ашмянскага раёна Гродзенскай вобласці. Цэнтр — аграгарадок (да 2009 г. вёска) Кальчуны.
Утвораны 12 кастрычніка 1940 года ў складзе Ашмянскага раёна Вілейскай вобласці. З 20 верасня 1944 года ў складзе Маладзечанскай вобласці, з 20 студзеня 1960 года ў складзе Гродзенскай вобласці. У 2002 годзе скасаваны хутары Лабы і Мазураўшчына.
Насельніцтва сельсавета паводле перапісу 2009 года — 2980 чалавек[2], з іх 91,7 % — беларусы, 5,0 % — палякі, 1,5 % — рускія[3].