У Вікіпедыі ёсць артыкулы пра іншых асоб з прозвішчам Астроўскі.
Казімір Астроўскі (польск.: Kazimierz Ostrowski, лац.: Casimirus Ostrowski; 28 лютага 1743, Літва — 29 кастрычніка 1814, Орша[1]) — дзеяч каталіцкага касцёла і Ордэна езуітаў, педагог.
Уступіў у Таварыства Ісуса 14 жніўня 1764 г. у Мазовіі. У 1776 г. быў высвечаны на ксяндза[1], а ў 1777 г. скончыў курс тэалогіі ў Полацкім езуіцкім калегіуме[2]. Прэфект бурсы ў Полацку (1782—1786, 1794—1799), Віцебску (1787—1790), Магілёве (1790—1791) і Мсціславе (1791—1794)[3].
У 1799—1803 гг. — рэктар Дынабургскага езуіцкага калегіума, а ў 1803—1805 гг. — віцэ-рэктар Полацкага езуіцкага калегіума[3]. З 14 верасня 1805 па 1 жніўня 1809 гг. — правінцыял Беларускай правінцыі Таварыства Ісуса[4]. У апошнія гады жыцця узначальваў Аршанскі езуіцкі калегіум (1809—1814)[3].